Bókin inniheldur fjórtán útsetningar á einu og sama þjóðlaginu - Ísland, farsælda frón við texta Jónasar Hallgrímssonar. Auk þessu eru í bókinni kvæði Jónasar á íslensku og í enskri þýðingu, getgátur Njáls Sigurðssonar um tilurð lagsins sem þjóðlags, texta Tryggva Gíslasonar um Jónas auk formála þar sem m.a. er fjallað um tvísöngsformið. Tónskáldin sem úsett hafa lagið eru Dr. Hallgrímur Helgason, Sveinbjörn Sveinbjörnsson, Jón Leifs, Oliver Kentish, Ríkarður Pálsson, Karólína Eiríksdóttir, Tryggvi M. Baldvinsson, Magnús Blöndal Jóhannsson og Kolbeinn Bjarnason. Allir textar eru bæði á íslensku og ensku. Bókin hentar píanóleikurum á öllum aldri og á ólíkum hæfnistigum.