Í fyrsta lagi er námsefni ætlað byrjendum í píanónámi. Tekin eru fyrir atriði á borð við nótnalestur, að spila eftir hljómanöfnum, spuni og tónsmíðar. Markmiðið með námsefninu er að sameina nótnalestur og skapandi nám, móta þannig unga tónlistarmenn og hjálpa þeim að nota kunnáttu sína á fjölhæfan hátt í komandi tónlistarnámi. Bókin er fallega myndskreytt af Jóhönnu Þorleifsdóttur og persónurnar Pía og Nói fylgja nemendum í gegnum efni bókarinnar.