VIC FIRTH



Vic Firth framleiðir úrval kjuða fyrir ásláttarhljóðfæri og er eitt þekktasta vörumerkið í þeim bransa.

Vic Firth framleiðir líka ýmiskonar aukabúnað fyrir trommuleikarann og bjóða meðal annars uppá frábær gæða heyrnatól sem minnka heildarhljóðstyrkinn um allt að 24 decibel (dB).

Fyrirtækið heitir eftir stofnanda þess, Vic Firth. Vic hóf að leika með Boston Symphony Orchestra árið 1951, þá einungis 21 árs gamall. Meðalaldur hljóðfæraleikara BSO var þá 51 ár. Vic er yngsti hljóðfæraleikari sem hlotið hefur stöðu hjá hljómsveitinni og hefur leikið með henni í hálfa öld.

Vic hóf að leika á trompet þegar hann var fjögurra ára og lærði einnig á klarinett, píanó og trommur. Þegar hann var kominn í gagnfræðaskóla var hann farinn að einbeita sér að trommunum og lærði hjá hinum fræga George Lawrence Stone. Þegar hann var 16 ára var hann farinn að leika sem atvinnumaður á trommusett með Big Band hljómsveit.

Metnaður hans og skortur á hágæða kjuðum rak hann fljótlega til þess að fara að hanna og framleiða sína eigin kjuða. Áður en Vic hannaði sína fyrstu timpani kjuða voru dæmigerðir kjuðar svokallaðir ‘cartwheel’ kjuðar, þar sem flókaefni var vafið utan um kjarna og það svo saumað í. Trommuleikarar urðu að forðast að slá trommuna með saumnum því það gat valdið því að hvellt smelluhljóð heyrðist. Vic hannaði saumlausa hausa fyrir timpani kjuðana sína sem þar að auki voru með rúnnuðum haus þannig að sama magn flóka lenti á trommuni alveg sama hvaða hluti haussins lenti á trommunni. Nemendur hans fóru að biðja hann um kjuða og áður en langt um leið voru trommuverslanir farnar að hafa samband við hann til þess að biðja um kjuða í sölu. Rennismiðurinn sem smíðaði kjuðana var fljótlega farinn að fá pantanir upp á 50 pör í stað 10. Þetta vatt síðan upp á sig smátt og smátt og fyrr en varði var þessi kjallarastarfsemi orðin að stærsta trommukjuðafyrirtæki í heimi með yfir 260 vörutegundir.

Fjölmargir heimsfrægir trommarar nota Vic Firth, þeirra á meðal er Gunnlaugur Briem úr Mezzoforte.

Skoða vef Vic Firth

til baka | upp