Meinl



Diskasmiðir Meinl hafa verið afkastamiklir undanfarinn ár við að hanna og kynna til sögunnar ýmsar nýjungar í trommudiskum. Fá fyrirtæki standast þeim snúning þegar kemur að frumlegheitum og að hugsa út fyrir rammann. Þeir hafa til dæmis frá árinu 2001 hlotið 4 tilnefningar til MIPA verðlauna og hlutu verðlaunin árið 2003 fyrir Generation-X línuna sem enn þann dag í dag þykir með frumlegustu en jafnframt notadrýgstu diskalínum í sínum geira.

MIPA-verðlaunin eru veit árlega til þeirra hljóðfæra eða merkja sem þykja hafa komið með athyglisverðustu markaðsnýjungina á sínu sviði óháð verði. Að þessum verðlaunum standa blaðamenn og gagnrýnendur yfir 50 tónlistar- og hljóðfærablaða hvaðanæva að úr heiminum. Það er því mikill heiður að vera tilnefndur í sínum flokki og mikið keppikefli framleiðenda að vinna til þessara verðlauna.



Af stóru diskaframleiðendunum 4 er Meinl eini framleiðandinn sem notast við 6 mismunandi málmblöndur, á meðan önnur fyrirtæki notast við tvær til fjórar mismunandi blöndur. Þetta býður uppá 6 mismunandi karakter einkenni þar sem hver blanda hefur sinn einkennandi hljóm og eiginleika.

Meinl býður líka uppá 11 mismunandi línur af diskum, hver með sinn hljóm og sitt svið, og þá eru ótaldar marching línur og gong, sem þeir framleiða einnig. Þannig að ljóst er að úrvalið er nóg og trommarar ættu auðveldlega að geta fundið diska sem henta þeirra spilamennsku og trommustíl, hvort sem það eru slagverksleikarar, jazzarar, popparar eða hreinræktaðir rokkarar.

Meinl hefur verið duglegt við að fá til liðs við sig ungar og upprennandi stjörnur ásamt reyndari köttum og sýnir það glöggt hversu breiða línu þeir bjóða uppá þegar trommarar á borð við Christoph Schneider (Rammstein), Jaska Raatikainen (Children Of Bodom), Daniel Svensson (In Flames) og Brann Dailor (Mastodon) sitja við sama borð og Rodney Holmes (Santana, Steve Kimock Band), Shauney Baby (Hilary Duff), Jungle (London Electricity), Adam King (Jason Mraz) og Trey Gray (Brooks&Dunn).

	• HCS
	• MCS
	• Classic
	• Generation X
	• Amun
	• Mb10
	• Sound Castel Custom
	• Byzance
	• Mb20
	• Candela

Skoða vef Meinl Cymbals
til baka | upp