• Smíðaferlið • Eiginleikar • Verð

Seagull gítararnir eru smíðaðir í Kanada úr hágæða kandadískum viði. Allar aðstæður eru eins og helst verður á kosið og er hönnunin margverðlaunuð. Hér til vinstri er hægt að nálgast nákvæmar upplýsingar um smíðaferlið; teikningar af því hvernig valið er í hljóðfærin, mismunandi lökkunar aðferðir, hugmyndafræðina á bak við smíðina á hinum sérstöku og einkennandi hálsum og margt fleira.

Godin Guitar Company starfrækir sérstaka smiðju sem helgar sig hönnun og þróun acoustic (hljómbærra) gítara og nýrra aðferða við smíðar. Miðstöðin gengur undir nafninu ‘Godin Acoustic Studio’ og er lítil verksmiðja innan upprunalegu acoustic verksmiðjunnar í La Patrie, Quebec í Kanada. Róbert Godin hefur unnið ásamt reyndustu gítarsmiðum verksmiðjunnar að verkefni sem miðar að því að endurhanna Seagull Artist Series gítarana.

Róbert útskýrir: “Driffjöðurin í þessu verkefni var sambland af metnaði okkar í að smíða betri gítara ásamt því að vilja bregðast við þörfum þeirra atvinnuspilara sem eiga og nota venjulega S-Series Seagull gítara á hljómleikum og við upptökur. Það er hvetjandi að sjá hversu mikils venjulegu Segull gítararnir eru metnir, en við gerum okkur grein fyrir því að Artist Series gítararnir okkar verða að vera frammúrskarandi.“ Með það í huga tók Godin Acoustic Studio það sér fyrir hendur að smíða bestu gítarana sem nokkru sinni hafa borið merki Seagull.



Toppurinn mikilvægi
Mikilvægi toppsins í hljóðmyndun gítarsins er vel þekkt. Gæði og þykkt viðarins sem er notaður (dæmigert er að nota sedrusvið eða furu) ásamt vandaðri stoð hafa mikil áhrif á hljóm hljóðfærisins. Að velta fyrir sér þykkt og stoð topps er það sem gítarsmiðir lifa og hrærast í, en hönnunarteymi Artist Series fannst áhugavert að reyna að smíða boga inn í topp gítarsins. Þessa hugmynd er frekar erfitt að útskýra – þetta er gítar með flatan topp, sem er kúptur – en tilraunirnar sem gerðar voru reyndust mjög hvetjandi og urðu fljótt grunnurinn að nýrri hönnun. Innbyrðis styrkur hljóðfærisins jókst vegna bogans í toppnum (eins og þegar brýr eru byggðar) og greiddi veginn fyrir þynnri topp, sem ætti kenningunni samkvæmt að bregðast betur við strengjaáslætti. Einhvers staðar fundu síðan hönnuðirnir út að þó svo að boginn gerði þeim kleift að nota þynnri topp þá hefti hann líka hreyfingu toppsins á svæðinu í kringum brúna (bridge). Margvíslegar prófanir sýndu loks fram á það að þó svo að gítarinn byði upp á frammúrskarandi hljóm, þá tapaði hann í hljómstyrk. Lausnin var sú að þróa nýjan topp og aðlaga bogamyndunina þannig að toppurinn væri örlítið kúptur á svæðinu fyrir ofan hljóðopið en jafnast út á svæðinu í kringum brúna. Þessi nýi toppur býður bæði upp á þann styrk í framköllun hljómsins sem smiðirnir gera kröfu um, ásamt þeim nýju og frammúrskarandi hljómgæðum sem komu fram við prófanir á frumgerðinni.

• Smíðaferlið • Eiginleikar • Verð

Skoða vef Seagull

til baka | upp