Gleðifrétt

Þau ánægjulegu tíðindi bárust okkur í ársbyrjun alla leið frá Ameríku að Tónastöðin hefði hlotið viðurkenningu sem kallast The 25 Year Milestone Award.

Viðurkenning þessi er veitt af NAMM (National Association of Music Merchant) en það er alþjóðlegur félagsskapur framleiðenda og kaupmanna í tónlistarbransanum. Félagar eru yfir 9000 talsins.

Af þessu tilefni sagði Joe Lamond, forseti samtakanna eftirfarandi um Tónastöðina:
Það þarf réttu samsetninguna af innsæi, viðskiptaviti og frábæra þjónustuvitund til að lifa af og dafna í tónlistarbransanum. Ég óska Tónastöðinni til hamingju með þennan áfanga og óska henni velfarnaðar í framtíðinni.
Viðurkenningin var afhent í Los Angeles á NAMM sýningunni þar sem yfir 90.000 manns úr tónlistarbransanum koma saman í janúar ár hvert, framleiðendur , seljendur, og tónlistarmenn, til að skoða og fræðast um allt það nýjasta á markaðnum, treysta vina- og viðskiptasambönd og stofna til nýrra kynna.

Tónastöðin hefur verið félagi í þessum samtökum frá 1993 og sótt sýningarnar í Los Angeles frá þeim tíma.